Despois de chegar ao hotel
Almirante na praza de España, visitamos a fermosa e longa praia de Doniños e
logo o espectacular Castelo de San Felipe defendendo a entrada da ría de
Ferrol, no camiño ao castelo distinguimos A Coruña e o seu vello faro ao lonxe
e apreciamos abraiados a estreitura da entrada da ría ferrolá.
O
día seguinte entramos no Arsenal moi cedo e o primeiro que visitamos foi a
fragata F-103 Blas de Lezo; fomos recibidos polo tenente da fragata e un
mariñeiro cabo foi o noso guía: quirófano, sala de torpedos, sala de mísiles e
radar e sala de control. A seguinte visita foi ao museo naval, no camiño ao
museo pasamos polo dique da campá e por numerosas instalacións do Arsenal, no
museo hai numerosas maquetas de fragatas antigas e modernas, incluídas a do
acorazado Bismark, canóns, municións, restos dunha fragata fundida, a cadeira
onde Franco pescaba, o barco co que os gardas mariñas facían prácticas,
ferramentas de navegación e cartas de navegación antigas e un montón de cousas
curiosas, e soubemos a razón da frase “andar con pés de chumbo” ou a razón de
medir a velocidade no mar con nós; e por último tivemos o bautizo de mar que
fixemos nun remolcador capitaneado por un ourensán, dende o que
puidemos ver as outras dos fragatas atracadas no Arsenal, o xigante portaavións
Adelaida para a Armada australiana e o portaavións Principe Felipe, xa
retirado, da Armada española e despois de navegar entre castelos (San Felipe e
a Palma) enfiamos cara a cortina do Arsenal (unha muralla de 750 m.
e con 100 canons).
O
último día visitamos os asteleiros Navantia, onde fixemos un percorrido pola
súa impresionante historia, vimos un vídeo que explicaba nuns minutos os 16 meses
da montaxe e construción do Adelaida, despois fumos ver o asteleiro e pasamos a
carón do portavión Adelaida e vímoslle o bandullo cheo de ferros, cabos,
tubos...; a última visita foi a Exponav onde a guía fíxonos unha moi
interesante explicación da historia da construción naval na comarca dende os
alicerces, pasando polos superpetroleiros ata as modernas fragatas
F-100.
Encamiñamos
a volta a Bande. Pasamos por Fene despois de cruzar pola ponte das Pías
deixando a nosa dereita un bosque de guindastres dos asteleiros en ambas
ribeiras dirixidas pola impoñente grúa-ponte do asteleiro de Fene, continuamos
cara o centro comercial Marineda de A Coruña. As 4:30 saímos definitivamente
para Bande onde chegamos ás sete da tarde.
***********
A
trip to Ferrol. The first day we visited the beautiful and long beach of
Doniños and San Felipe castle; in the way to this castle we could discern A
Coruña and its ancient lighthouse in the near distance and appreciate the
amazing entrance to the Ferrol estuary. The next day we were guests in the
Arsenal, where we entered the frigate F-103 Blas de Lezo, we visit the Naval
Museum and we had baptism at sea in a tugboat ship whose captain was from
Ourense. And the last day we went in the Navantia shipyards and we knew about
its impressive history, we saw the giant aircraft carrier Adelaida for the
Australian navy and we visited the Exponav where we learnt about the
shipbuilding history in ferrolterra. After crossing the estuary through the
Pías bridge and leaving the crane grove on the right led by the huge
crane-bridge in the Fene shipyard, we continued to A Coruña where we stopped in
Marineda shopping center for a few hours and finally at 4:30 we started our way
back to Bande.
A boca da ría.
A Palma dende S. Felipe.
Castelo da Palma (Mugardos) dende S. Felipe.
Castelo S. Felipe.
Cuadernas dun barco.
Astilleiros de Ribeira.
Antiga calculadora.
Desembarcando.
Entrada fragata.
Fragata popa.
Na fragata.
Na fragata.
Navegando.
Porta do dique.
Preparados para embarcar.
Torpedo.
Ferrolenglish: é a resulta da
influenza dos enxeñeiros ingleses que estiveron a traballar no asteleiro
ferrolán no primeiro terzo do século XX e que deixaron a cidade despois do
estalido da Guerra Civil; desta época temos algúns termos que usamos acotío:
-brus
(cepillo) de brush
-filispín
(moi rápido) de full speed
-chepo
(policía) de shepherd
-choni
(persoa intelixente) de Johnny, (moitos dos fillos dos
enxeñeiros ingleses que vivían e traballaban en Ferrol no primeiro terzo do
século XX chamábanse Johnny; Torrente Ballester contaba que el
xogaba con estes rapaces na praza de Amboaxe, e menciona este termo no seus
libros).
Links por se queredes ollar
algunha cousiña:
No hay comentarios:
Publicar un comentario