Nós

Nós

Temos lingua propia! Temos cultura de noso! Vivimos na terra onde a natureza se fai voluptuosa para acoller o val do Limia dende os cornos esgrevios da serra do Xurés. Damos un paso e atravesamos a inexistente raia con Portugal: a historia quixo afastarnos, mais únennos as tradicións, achégannos as palabras. Os do IES Aquis Querquernis levamos o nome dos antigos poboadores que gozaban da auga quente rodeados de natureza enxebre, no medio e medio das grandes carballeiras.

Este é o noso blogue de normalización lingüística. Nel presentamos os nosos traballos, amosamos as nosas inquedanzas, expresamos o noso desexo de podermos vivir en galego. E, sobre todo, convidamos a facer equipo. Porque, dende este espazo da natureza cheo de aire puro sabemos ben que a maxia da realidade se crea cos acentos compartidos. Únete a nós!

jueves, 19 de mayo de 2016

MANUEL MARIA PARA XOCAS



Xeira coa obra de Manuel María do alumnado do IES Aquis Querquernis (Baixa Limia) co do CEIP Xaquín Lourenzo “Xocas” (Bande)
Biblioteca do IES Aquis Querquernis, sexta feira 14 de maio de 2016, dende ás 11.30 h.
Organiza: ENDL do IES Aquis Querquernis
Colaboran: Biblioteca do IES Aquis Querquernis, Departamento de Plástica do IES, CEIP Xaquín Lourenzo


Resumo da actividade: alumnado de 1º da ESO do IES Aquis Querquernis presentaralle e daralle a coñecer a figura e a obra literaria de Manuel María ao alumnado de Primaria do CEIP Xaquín Lourenzo “Xocas”.


Programa de actividades:
Quen é Manuel María?” - Lucía Feijoo Quintas
Recitado de textos”
O arco da vella” – Sabrina Javier Domingues
A Lúa” – Joel Pérez Francisco
Señor Gato” – Sandra
Bando” – Andrea Alonso Pérez
Galiza” – Paula Senaz Feijoo
A fala” – Irene Montes Bustos (2º ESO)
Poema “O carro”: proxección do audiovisual da interpretación de Fuxan os Ventos; canción a coro polos presentes.
Agasallo a cada alumno/-a dun marcapáxinas coa figura dunha chave coa lenda “O idioma é a chave coa que abrimos o mundo”.
Recitado, polo alumnado de Primaria, dos poemas: “Dá noxo ollar aos galegos”, “Deixamos morrer a fala”, “O noso idioma é a luz”.



INTERCAMBIO CO IES DA ILLA DE AROUSA



Andaina pola Baixa Limia

A comezos de maio recibimos a visita do alumnado de 1º da ESO do IES da Illa de Arousa, con quen, este curso, realizamos a actividade do intercambio escolar.

Primeiro levamos a cabo o intercambio epistolar (postais con elementos das nosas paisaxes, mail-art) e agora estamos a pór en práctica o intercambio real entre alumnas e alumnos de 1º da ESO de ambos os centros.

A experiencia consistiu na recepción no taller do noso centro. Deseguido fomos deica a igrexa visigótica de Sta. Comba de Bande e, a continuación, ao centro de interpretación do campamento romano que lle dá nome ao noso centro.

Por último achegámnos ata as augas quentes de Río Caldo, en Lobios, onde xantamos todos xuntos.

Fícanos irmos nós alá. Cheiraremos o ar salgado da Illa o 21 de xuño. Cada vez xa falta menos!





VISITA A SEDE DA FUNDACIÓN MANUEL MARÍA



A segunda feira 4 de abril alumnado de 2º e de 3º da ESO do noso centro fomos á sede da Fundación Manuel María de Estudos Galegos, en Outeiro de Rei.

Resultou unha experiencia moi interesante. Mágoa da chuvia que non nos deixou chegar ata o regato do Cepelo a recitar os versos que o escritor lle dedicou.

Como non puidemos recitar os seus versos en diversos espazos vitais da súa terra natal, fixémolo dentro da Casa de Hortas, que é como che chama o seu domicilio familiar.









domingo, 10 de abril de 2016

MARÍA REIMÓNDEZ no IES Aquis Querquernis

María Reimóndez no IES Aquis Querquernis (Baixa Limia)









No segundo cuadrimestre a escritora María Reimóndez visitou o IES Aquis Querquernis, na Baixa Limia. Todo o alumnado lemos algún libro seu. Esta é a relación de lecturas, distribuída por cursos:
1º ESO: O monstro das palabras
2º ESO: Usha
3º ESO: Volvo! O regreso de Usha
3º PEMAR: Volvo! O regreso de Usha
4º PDC: Volvo! O regreso de UshaO club da calceta
1º Bacharelato: Dende o conflito


A partir da lectura de cada un dos libros o alumnado implicado realizou unha exposición de carteis e doutros materiais. Con ela tentáronse suxerir algunhas das claves da narrativa desta autora.













O que segue son as respostas ás preguntas que algunhas/algún lle formulamos, antes de ter un encontro con todas as alumnas e alumnos do centro.









Alumnado de 1º ESO (O monstro das palabras)
Entrevista realizada por: Andrea Alonso Pérez - Lucía Feijóo Quintas - Iago Rodríguez - Paula Senaz Feijoo

P: Que foi o que che fixo mergullarte no mundo de escribir?
R: Dende pequena gustoume moito ler e cheguei a un punto que empecei a escribir e aquí sigo.
P: Se tiveses que describir este libro en tres palabras, como o definirías?
R: Lingua.medo e superación.
P: En que te inspiraches para escribir este libro?
R: Na preocupación sobre a lingua galega, porque hai xente que non lle dá importancia. Considero que o lugar correcto de falar o galego é aquí, en Galicia.
P: Que sería o monstro das palabras na nosa realidade?
R: Pois case todo. Vivimos rodeados de linguas pertencentes a outros lugares, menos a nosa, que é a máis importante.Ese sería o monstro.
P: Que propósitos queres ter coa mestura das palabras neste libro?
R: Espero reflexionar sobre manter a lingua viva.
P: As lexicografias loitaban con palabras, ti con cal te defenderías do monstro?
R: Vontade.
P: Con que personaxe te identificas máis da historia?
R: Con todos menos co monstro.
P: Como relacionas o contido deste libro coa situación da lingua galega na actualidade?
R: Diso xa falamos un pouco antes.Vivimos rodeados de linguas que non son a nosa e eu penso que primeiro temos que saber falar a nosa e logo as outras. Como lle pasou a algunhas das personaxes da historia.

Alumnado de 2º ESO (Usha)
Entrevista realizada por: Irene Montes Bustos – Lucas Rodríguez Pires

P: Usha é unha personaxe real ou irreal?
R: Non é que a personaxe sexa real ou irreal. Trátase de que os feitos que lle acontecen a ela son coma os que lles ocorren á xente do seu arredor.
P: Que lle acontece ao final ao pai?
R: Para iso hai que ler o segundo libro, Volvo. O regreso de Usha.
P: Os acontecementos que lle ocoren a Savitri son reais?
P: Eses acontecemento que sofre Savitri ocorren usualmente en calquera lado.
P: Como son as mulleres da India?
R: Igual que aquí ou en calquera lado.

Alumnado de 3º ESO (Volvo! O regreso de Usha)
Entrevista realizada por: Noelia Álvarez Márquez - Begoña Estévez Astudillo

P.: Cómo recibiches a noticia de ser finalista do premio Merlín coa novela Usha?
R.: Foi unha noticia moi emocionante porque era un libro moi lido.
P.: Que che inspirou o contido da nova versión de Usha?
R.: Inspiráronmo as peticións dunha segunda parte e tamén o tema sobre a menstruación e os problemas da sociedade.
P.: Os personaxes de Usha, Lakshmi e Ma nacen dalgunhas persoas reais?
R.: Non, son personaxes ficticios.
P.: No libro descríbese a difícil vida que levan os amigos de Usha, na vida real e así de difícil?
R.: Teñen unha vida distinta á nosa.
P.: Por que elixiches este país para narrar a historia que se conta?
R.: Por que levo vinte e dous anos de cooperación na India e quería contar un pouco como e alí a vida.
P.: A que idade comezaches a escribir? Por que?
R.: Comezei a escribir dende pequena, cando empecei a facer as letras. Tiven moi boas influencias na casa. A miña nai encantáballe ler e do meu pai aprendín a tradición oral.

Alumnado de 4º ESO O club da calceta
Entrevista realizada por: Yasmín Bau Savu – Catarina Filipa Cerqueira Martíns
P.: Identifícaste con algunha das túas personaxes, ou algunha delas está inspirado en ti?
R.: Non, todas teñen algo de min e todas son diferentes a min.
P.: Por que elixiches como protagonistas persoas de sexo feminino?
R.: E por que non? Esa pregunta só ten sentido porque se ve que na nosa sociedade algo vai mal . Na nosa sociedade hai mulleres e homes, xa non debía haber esa pregunta, nin un sorprendese de que sexan mulleres as protagonistas.
P.: Escribes a man ou a computador?
R.: A man primeiro e logo o redacto no computador.
P.: Por que escolliches a afección da calceta habendo tantas outras?
R.: Porque a calceta é unha cousa que “fan as mulleres” e non aparece moito na literatura. Ademais, porque é unha metáfora que axudaba a construír o libro. Como cando se calceta, parte por parte.
P.: Como se che ocorreu a idea para O club da calceta?
R.: Calcetando, e a partir da pregunta da dedicatoria do libro, ademais da cuestión da sororidade.
P.: Que consellos lle darías a alguén que quere ser escritora ou escritor?
R.: Que lea e que escriba moito.



















Alumnado de 1º de Bacharelato (Dende o conflito)
Entrevista realizada por: Andrea Álvarez Penín – Candela Yáñez da Silva
P.: Por que decidiches ou en que te inspiraches para a personalidade de Saínza Combarro?
É complicado de explicar porque Saínza está relacionada con outras protagonistas dunha serie de libros.
Pero básicamente a súa personalidade está feita para falar de mundos e sobre a nosa verdadeira realidade. Ademáis tamén quería dar a coñecer con ela o traballo dunha/dun xornalista de guerra.

P.: Que opinas sobre as diferentas entre homes e mulleres que están tan presentes no día a día? E sobre o machismo que se atopa tan vixente nas novas xeracións?
Desagrado, pois a quen lle pareza ben iso ou ben debería estar no cárcere ou ten un problema grave.
Tamén é certo que a moita xente sorpréndelle que se traten eses temas nunha novela. Aí é cando se ve que hai algún problema na sociedade.


P.: Por que ambientas os teus libros en lugares onde hai tantos conflitos bélicos e diferenzas sociais?
Porque moitas veces esquecemos que o mundo non é só Bande e que nós tamén somos responsables (indirectamente) do que ocorre neses lugares.


P.: Por que optaches por escribir unha novela longa?
Ao escribir non teño en conta o exterior, simplemente o vou alongando segundo o van pedindo os personaxes.

P.: Estiveches en persoa nos diferentes lugares que se citan en “Dende o conflito”?
Estiven na maioría deles. Si que é certo que en Irak, en Afganistán e en Sri Lanka non estiven, pero teño coñecemento do que ocorre neses lugares.


P.: Como definirías a unha muller moderna?
Non me atopo moi de acordo con ese término porque eu penso que unha pode ser antiga e moderna ao mesmo tempo, é moi relativo. Pero respondendo á vosa pregunta, é moi importante ter vontade para ver as cousas de diferente xeito para así poder cambiar.