Nós

Nós

Temos lingua propia! Temos cultura de noso! Vivimos na terra onde a natureza se fai voluptuosa para acoller o val do Limia dende os cornos esgrevios da serra do Xurés. Damos un paso e atravesamos a inexistente raia con Portugal: a historia quixo afastarnos, mais únennos as tradicións, achégannos as palabras. Os do IES Aquis Querquernis levamos o nome dos antigos poboadores que gozaban da auga quente rodeados de natureza enxebre, no medio e medio das grandes carballeiras.

Este é o noso blogue de normalización lingüística. Nel presentamos os nosos traballos, amosamos as nosas inquedanzas, expresamos o noso desexo de podermos vivir en galego. E, sobre todo, convidamos a facer equipo. Porque, dende este espazo da natureza cheo de aire puro sabemos ben que a maxia da realidade se crea cos acentos compartidos. Únete a nós!

martes, 3 de marzo de 2015

Eu son Rosalía!


O 24 de febreiro celebramos o centenario do nacemento de Rosalía de Castro no noso centro.
Primeiro traballamos con textos da escritora nas aulas e analizamos as diversas facetas da súa figura intelectual.

A partir de aquí propúxosenos —en concordancia cunha proposta da AELG— a cada unha/un de nós escribirmos unha oración que principiase “Eu son Rosalía...!”.
No recreo recitáronse textos de Cantares gallegos e de Follas novas. Tamén se leron os textos elixidos creados por nós.


Eu son Rosalía...

... porque non me amedrenta o que pensen os demais!

... porque falo en galego!

...cando quero ver Galiza dende outro punto de vista!

.... cando esperto e vexo o difícil que é a vida!

... porque defendo á muller!

... porque me gusta arriscar!

... porque dende a miña ventá escoito as campás que debuxan un sorriso en min!












Tíralle da lingua: primeira fase

O mes de febreiro realizamos, no centro, a primeira fase do certame de expresión oral Tíralle da lingua, convocado, anualmente, pola AS-PG.
As historias contadas foron, na súa maioría, de base popular. Tamén houbo algún monólogo e textos de creación dos propios participantes.
Velaquí a relación dos/-as elixidos/-as polo xurado —integrado por alumnos/-as e profesores/-as—:

Primeiro ciclo da ESO:
Noelia Álvarez Márquez
Kenya Cerqueira Calleiros
Ares Lamas González
Manuel Emilio Martínez Vivas
Irene Montes Bustos
Sofía Rodríguez Pires

Segundo ciclo da ESO e Bacharelato:
Andrea Álvarez Penín
Victoria Feijoo Quintas
Alba Ferreira López
José Alejandro Gandarela González
Óscar Paz Almeida
Julio Pérez Álvarez – Iván Quintas López


As mellores contadoras e contadores elixidos competirán nunha nova fase. O éxito está garantido!