Nós

Nós

Temos lingua propia! Temos cultura de noso! Vivimos na terra onde a natureza se fai voluptuosa para acoller o val do Limia dende os cornos esgrevios da serra do Xurés. Damos un paso e atravesamos a inexistente raia con Portugal: a historia quixo afastarnos, mais únennos as tradicións, achégannos as palabras. Os do IES Aquis Querquernis levamos o nome dos antigos poboadores que gozaban da auga quente rodeados de natureza enxebre, no medio e medio das grandes carballeiras.

Este é o noso blogue de normalización lingüística. Nel presentamos os nosos traballos, amosamos as nosas inquedanzas, expresamos o noso desexo de podermos vivir en galego. E, sobre todo, convidamos a facer equipo. Porque, dende este espazo da natureza cheo de aire puro sabemos ben que a maxia da realidade se crea cos acentos compartidos. Únete a nós!

viernes, 27 de abril de 2012

Tíralle da Lingua Abril 2012



O 26 de abril o alumnado escollido do noso centro participou na fase final do concurso Tíralle da Lingua, organizado pola AS-PG en Compostela.
Os contos que presentamos foron:
“A historia dos sentimentos”, por Andrea Álvarez Penín, Anabel Neira Álvarez e Taís Paz Alonso.  Gañamos o 2º premio na categoría da ESO.
“A primeira boneca que fala galego”, por Genoveva Gómez Esteves e Noelia Salgado Barbosa, na categoría de Bacharelato.
A nosa participación, en ambos os casos, foi magnífica.









“A primeira boneca que fala galego” é unha historia tirada do libro de Sechu Sende Made in Galiza. Unha das protagonistas que falan nela chámase Belén Regueira. Pois... a que non sabedes con quen estivemos antes de entrar a contar o conto, no salón de actos do IES Rosalía de Castro?



Coa propia Belén Regueira, unha extraordinaria xornalista e presentadora da TVG, que falou con todos nós.

Carlos Callón

O 11 de abril Carlos Callón, presidente da Mesa pola Normalización Lingüística, mantivo un encontro co alumnado do noso instituto. O tema foron as moitas posibilidades que abre o uso do galego, en todo o mundo, a través, principalmente, do uso nos países de lingua portuguesa. Un mercado de máis de 250 millóns de habitantes.
Estivo a asinar o seu libro Como defenderes os teus dereitos lingüísticos na sala de profesores/as do noso centro.